Милан и Јувентус ја сакаат ѕвездата на Наполи

Италијанските медиуми пренесуваат дека Милан и Јувентус се силно заинтересирани за играчот за врска на Наполи, Фабиан Руиз.

Фабиан Руиз влезе во последната година од договорот, па поради тоа Наполи е спремен да слушне понуди.

25-годишниот Шпанец пристигна во Наполи од Бетис и веднаш се промовираше во клучен играч во тимот, па сега е стандарден и во шпанската репрезентација.

За него интерес покажуваат Арсенал и Манчестер Сити, но сега во трката се приклучија и италијанските гиганти.

Милан и Јувентус се во потрага по квалитетен играч за врска и се спремни да понудат 30 милиони евра за Шпанецот.

Сепак, Наполи преферира да ја продаде својата ѕвезда на клуб надвор од Серија А.