Милан има „план Б“ за наследник на Ибрахимовиќ

Милан е силно заинтересиран за 20-годишниот напаѓач на Гент, Џонатан Дејвид, пренесуваат италијанските медиуми.

Милан ова лето ќе остане без Златан Ибрахимовиќ и веќе започна да бара негова замена, а на врвот на листата желби се наоѓа Лука Јовиќ од Реал Мадрид.

Сепак, „росонерите“ разгледуваат и алтернативни опции доколку не успеат да го ангажираат Србинот, а тоа е токму Џонатан Дејвид.

Дејвид оваа сезона блескаше во дресот на Гент и постигна 23 гола на 39 меча, па го привлече вниманието на многу европски гиганти како Манчестер Јунајтед, Челзи и Тотенхем.

Сепак, Милан е спремен да ја победи конкуренцијата и веќе стапил во контакт со неговиот менаџер. Младиот Канаѓанец би можел да се пресели на „Сан Сиро“ за сума од 20 милиони евра.