Напаѓачот на Монако, Килијан Мбапе конечно проговри за потенцијален трансфер.
Одличниот 18-годишен напаѓач со своите настапи оваа сезона ги занесе апсолутно сите, но во текот на сезоната не сакаше да зборува за заминување од Монако. Листата на клубови кои го посакуваат од ден на ден е се поголема и поголема, но младиот фудбалер се уште цврсто стои на земја.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Мојата иднина? Се уште не знам. Се договорив со претседателот уште претходно да оставам се настрана додека не ја освојувам титулата. Тоа и го направив, не размислував за ништо друго освен за титулата. Ќе разговараме за тоа откако ќе се вратиме од репрезентативните паузи“, изјави Мбапе.
Овој одличен напаѓач оваа сезона навистина блесна. На 44 натпревари во сите натпреварувања постигна 26 гола со 14 асистенции. Се споменува дека овој фудбалер би можел да стане и најскапиот фудбалер на сите времиња и дека некои клубови се подготвени да платат за него дури 120 милиони евра.
Учество во игри на среќа е дозволено за лица со 18+ години. Играј одговорно!