Мбапе им открил на соиграчите дали останува во ПСЖ

Ѕвездата на Пари Сент Жермен, Килијан Мбапе ќе остане на „Паркот на принцовите“ и оваа сезона.

Мбапе тоа им го потврдил на блиските соиграчи во тимот, пренесува „Кадена Сер“, повикувајќи се на блиски извори.

Мбапе силно посакува да го напушти ПСЖ уште ова лето и да го оствари сонот да заигра за Реал Мадрид. Меѓутоа, тој им признал на соиграчите дека клубот нема никаква намера да го пушти ова лето.

Мбапе сигурно ќе остане во Париз уште една сезона, а следното лето ќе биде слободен агент и ќе може без обештетување да се пресели на „Сантиаго Бернабеу“.

Мбапе оваа сезона ќе формира атомско трио со Меси и Нејмар, па сонот е да ја освои Лигата на шампиони пред да се пресели во Мадрид.

🚨 PSG Director Leonardo has told the Parisian team's dressing room that Kylian Mbappé 🇫🇷 will continue this season at the French club. The player has also come to tell his closest circle of the dressing room that he will stay this season. #PSG

(via @ellarguero🌕)

— Football Transfers (@Transferzone00) August 18, 2021