Мбапе: Жал ми е, сакав да помогнам

Франција беше елиминирана од Швајцарија на пенали во осминафиналето на Европското првенство.

Регуларниот дел и продолженијата завршија 3:3, а Швајцарија во пенал серијата победи со 5:4. Трагичар беше Килијан Мбапе кој го промаши петтиот пенал.

Швајцарија во четвртфиналето во петок од 18:00 часот ќе игра против Шпанија која претходно ја победи Хрватска со 5:3.

„Жал ми е поради пеналот. Сакав да помогнам, но не успеав. Сега ќе биде тешко да заспијам. За жал се случуваат вакви работи, тоа е спортот кој го толку многу сакам. Навивачи, знам дека сте разочарани, но сакам да ви се заблагодарам на поддршката“, изјави Мбапе.