Марсело имаше интересна порака за Нејмар, а камерта тоа го забележа

Марсело и Нејмар синоќа пред почетокот на натпреварот се сретнаа во тунелот, а во таа прилика камерите забележаа интересен детал.

Томас Тухел го започна натпреварот со Икарди, Мбапе и Ди Марија во нападот, а Нејмар остана на клупата, но веднаш на почетокот од вториот дел влезе во игра.

Додека двајцата играчи чекаа да излезат на загревање пред почетокот на натпреварот, Марсело го охрабри и му рече: „Ти играш подобро од Мбапе.“

Мбапе, кој веќе некое време е на радарот на Реал, а Зидан рече дека е „заљубен“ со него, синоќа постигна гол за ПСЖ, а тоа на Нејмар не му појде од рака.

Бразилецот ова лето се поврзуваше со Кралскиот клуб, откако сакаше да го напушти клубот заради судирот со челниците на ПСЖ, но на крајот остана во Париз.

Marcelo to Neymar in the tunnel: “You play better than Mbappé.” [Movistar] pic.twitter.com/QDaTktcZ5s

— Real Madrid Info (@RMadridInfo) November 27, 2019