Марк Гасол и Монтрези Харел потпишуваат за Лејкерси!

Актуелните НБА шампиони, ЛА Лејкерси ангажираа две нови засилувања пред почетокот на новата сезона.

Во Лејкерси пристигнуваа искусниот Марк Гасол и најдобриот шести играч од минатата сезона, Монтрези Харел. Искусниот Шпанец во Лејкерси пристигнува како еден од најдобрите дефанзивци во лигата. Пред две години беше шампион со Рапторси, а дури десет години настапуваше за Мемфис.

Харел минатата сезона му беше најдобра во кариерата. Како член на Клиперси во преосек имаше по 18.6 поени по натпревар. Оствари 11 „дабл-дабл“ учиноци од клупата.

Ќе потсетиме дека Лејкерси минатата недела ги засили Денис Шрудер од Оклахома. Пристигна уште Вест Метју од Бакси. Во меѓувреме во Кливленд се пресели Џавал Мекги.