Маркизио со емотивна порака се прости од Јувентус!

Играчот за врска на Јувентус, Клаудио Маркизио денес после 25 години ја напушти „старата дама“, откако двете страни спогодбено го раскинаа договорот.

32-годишниот Маркизио е дел од Јувентус уште од 1993 година и само една сезона помина на позајмица во Емполи.

Маркизио на социјалните мрежи објави фотографија и со емотивна порака се прости од Јувентус.

„Илјадници мисли и моменти ми поминаа низ главата минатата ноќ. Не можам да престанам да ја гледам оваа слика со која го напишав мојот живот на човек и фудбалер. Толку многу го сакам овој дрес, што единствено нешто на што мислам е доброто на клубот. Вие сте најубавиот дел од оваа величенствена историја, поради тоа за неколку дена ќе се разделиме на специјален начин“, напиша Маркизио.

Non riesco a smettere di guardare questa fotografia e queste strisce su cui ho scritto la mia vita di uomo e di calciatore.
Amo questa maglia al punto che, nonostante tutto, sono convinto che il bene della squadra venga prima. Sempre. pic.twitter.com/AoNuiiZ2cS

— Claudio Marchisio (@ClaMarchisio8) August 17, 2018