Марадона среќен што со неговиот дрес помогнал во борбата со коронавирусот

Диаго Армандо Марадона му се заблагодари на Чиро Ферара за одличниот потег кој го смисли заедно со Фабио Канаваро.

Неговиот дрес со бројот 10 од Аргентина кој Марадона му го подарил на Ферара беше продаден на аукција за 55 000 евра, пари кои се донирани за борбата со коронавирусот во Неапол.

Марадона му се заблагодари на неговиот поранешен соиграч Чиро Ферара за целата организација.

„Победивме за Неапол и саканите Наполитанци. Благодарам Чиро, дозволете ми да ја почувствувам емоцијата да се биде дел од неверојатни луѓе. Чувствував радост и страст. Чест ми е што придонесов да им помогнам на луѓето“, истакна Марадона.