Манџукиќ добива нова улога во хрватската репрезентација

После завршувањето на репрезентативната кариера Марио Манџукиќ како што стојат работите ќе остане во фудбалот.

Хрватските медиуми пренесуваат дека Манџукиќ ќе добие нова улога од Златко Далиќ во репрезентацијата и ќе биде дел од неговиот стручен штаб. Не е познато кога соработката ќе биде официјализирана, но се тврди дека се е договорено.

Манџукиќ остави голема трага играјќи за Динамо Волфсбург, Атлетико, Баерн и Јувентус. Во кариерата одигра 426 професионални натпревари и постигна 166 клупски голови. За „А“ репрезентацијата на Хрватска оствари учинок од 89 натпревари и 33 гола.