Манчестер Сити сигурно гази кон титулата, Саутемптон доби „петарда“ на „Етихад“ 🎥

Maнчестер Сити денес одигра уште еден ефикасен натпревар и со резултат 5:2 го доби Саутемптон.

Резултатот беше отворен во 15. минута, а стрелец беше Кевин Де Брујн. Саутемптон изедначи десет минути подоцна преку Ворд Праус. Сити на пет минути до крајот на полувремето одново дојде до предност, овој пат стрела беше Марез. Во судиското продолжение Гундоган погоди за 3:1.

Во второто полувреме во период од 55. до 59 минута видовме три гола. Марез и Де Брујн постигнаа по уште еден гол, а измеѓу двата гола на „граѓаните“ Адамс беше стрелец за Саутемптон.

Со оваа победа Сити оди на +14 во однос на Манчестер Јунајтед и +15 од Лестер. Тимот на Гвардиола има и натпревар повеќе.