Мануел Ноер: Клоп е кандидат за клупата на Баерн

Јирген Клоп е „дефинитивно потенцијален кандидат“ за тренерската функција во Баерн Минхен, изјави капитенот на баварскиот гигант, Мануел Ноер.

Клоп потврди дека на крајот на сезоната ќе го напушти кормилото на Ливерпул после скоро девет години.

Германецот долго време се поврзуваше со клупата на Баер уште додека беше во Борусија Дортмунд, па Ноер смета секогаш ќе биде кандидат за клупата на Баварците.

„Верувам дека дефинитивно е потенцијален кандидат кој исто така може да работи за Баерн Минхен и во подоцнежната фаза од кариерата. Тој е искусен, тактички иновативен и секогаш предизвикува респект кај сите фанови“, изјави Ноер.