Малдини до Кеси: Ти си Франк, ама не Рајкард

Преговорите помеѓу челниците на Милан и Франк Кеси се во застој и најверојатно играчот ќе си замине на лето како слободен агент.

Договорот на Кеси со Милан истекува на крајот на сезоната и двете страни долго време не можат да најдат заеднички јазик за продолжување на соработката.

Спортскиот директор на Милан, Паоло Малдини, неколку пати ја зголемувал понудата, на крајот решил да се откаже, откако понудил 6,5 милиони евра по сезона, а агентот побарал 9 милиони евра.

Малдини одби да му даде толку пари на Кеси, а со тој потег ја повтори практиката која ја имаше Милан и со Џанлуиџи Донарума, дека клубот нема да дозволи да биде уценуван од ниту еден фудбалер.

Интересен начинот на кој Малдини ги прекинал преговорите со Кеси. Тој му рекол дека неговото име е Франк и дека почитува, но не е Франк Рајкард.

Милан веќе почна преговори со Ренато Санчез од Лил, кој треба да пристигне на „Сан Сиро“ како замена за Кеси.