Малага има МИЛИОН причини да го „пушти“ Реал да ја освои титулата!

Фудбалерите на Малага стојат помеѓу Реал и титулата во Примера, но прашање е колку ќе сакаат да му „наштетат“ на „кралскиот“ клуб.

Имено, Малага ќе добие милион евра доколку Реал ја освои титулата, и тоа поради клаузулата која ја потпиша Иско пред заминувањето во Реал.

Иско во 2013 година пристигна во Реал за 27 милиони евра, а за секоја освоена титула „кралевите“ ќе треба да и платат на Малага по милион евра.

Реал од доаѓањето на Иско освои две Лига на шампиони, но ниту една титула во Примера на која чека од 2012 година.

Сепак, тимот на Зидан сега се наоѓа на чекор до освојување на титулата, бидејќи во последното коло против Малага потребен му е само еден бод.