Македонски талент во Италија одигра меч со супер дабл-дабл!

Eден од најталентираните македонски кошаркари кој го носи дресот на Пиемонте во италијанската јуниорска лига одигра супер натпревар.

Јакимовски во победата против Палаканестро колеџ (93:89) оствари дабл учинок со дури 42 поени и 20 скока.

Инаку, Јакимовски е еден од лидерите на репрезентацијата на Македонија до 18 години и оние кои што го следат веројатно и не се толку изненадени од овој негов супер учинок. Тој веќе втора сезона игра на „Чизмата“, истовремено настапува и за третолигашот Баскет Торино во сениорска конкуренција.

Со 18 години тој е висок 200 сантиметри, а негова позиција е ниско крило.