Македонија одигра реми против Грција во Солун

Ракометната репрезентација на Македонија одигра реми (29:29) на гостувањето кај Грција во првиот од двата пријателски натпревари против нашиот јужен сосед кои се играат во Солун.

Македонија водеше по првото полувреме со три разлика 15:12, но во завршницата домаќините се вратија во игра и на крајот имаа и водство од 29:27.

Но со голови на Филип Кузмановски и Костески, Македонија дојде до реми. Меѓутоа, резултатот беше во втор план, а селекторот Лазаров го искористи мечот за да ги проба сите ракометари кои се на списокот.