ЛШ: „Петарда“ на Реал, убедлива победа и на Лајпциг

Денес во терминот од 18:45 часот се комплетираа натпреварите од Групата „Ф“ во Лигата на шампионите, а во последното коло убедливи победи забележаа Реал Мадрид и Лајпциг.

Реал Мадрид на свој терен го декласираше Селтик со 5:1. Натпреварот беше отворен уште во шестата минута кога Модриќ го совлада Џо Харт со удар од белата точка. Се играше 21. минута кога „кралевите“ добија нов пенал, сега го реализираше Родриго. До крајот на првите 45 видовме и пенал на спротивната страна, меѓутоа Куртоа не дозволи да биде совладан и го одбрани ударот на Јурановиќ.

По 15 минути игра во вториот дел Реал постигна уште два гола, погодуваа Асенсио и Винисиус. Одличниот Валверде на 20-тина минути до крајот се погрижи за 5:0. Конечните 5:1 ги постави Жота.

Лајпциг на гости го победи Шахтјор со 0:4. По еден гол за германскиот тим постигнаа Нкунку, Андре Силва, Шобозслаи, а сопствената мрежа си ја погоди Бондар. Во оваа група Реал завршува како прв на табелата со 13 бодови, Лајпциг е втор со 12, Шахтјор трет со шест и последен Селтик со два бода.