Лоши вести: Михајловиќ го чека нова борба со леукемијата

Српскиот тренер на клупата на Болоња, Синиша Михајловиќ на денешната прес-конференција соопшти дека повторно му е дијагностицирана леукемија.

Откако успешно се избори со оваа болест, Михајловиќ ќе мора повторно да оди на терапии.

„Следните недели ќе морам да бидам хоспитализиран. Спремен сум да научам уште една лекција. Оваа болест е навистина храбра и сака повторно да ме фати“, изјави Михајловиќ.

Во следниот период тој ќе направи кратка пауза, а потоа јавноста ќе биде известена за текот на лекувањето. Кон крајот на 2020 година Михајловиќ објави дека усепал да ја победи леукемијата после година ипол борба.