Лина Ѓорческа освои титула во Грција

Најдобрата македонска тенисерка Лина Ѓорческа го освои фјучерс турнирот кој се играше во Иркалион Грција.

Лина во финалето беше подобра од Мириам Бјанку Булгару со 2-0 во сетови, односно 6-3 и 6-4.

Ѓорческа во финалето играше фантастично и не и дозволи на нејзината противничка од Романија воопшто да се закани, па ја декласира во два сета.

Македонската тенисерка имаше шанса да освои титула и во двојки, но вчера загуби заедно со Деа Херџелас во финалето од Гаврила и Каратанчева со 0-2, односно двапати по 4-6.