Ливерпул отсечно ја одби и третата понуда за Сако

Ливерпул одби уште една понуда за својот стопер, Сако.

Сако е на излезни врати од „Енфилд“, особено сега кога Ван Дајк е на чекор од Ливерпул. Сепак, „Црвените“ не сакаат лесно да се откажат од Французинот, па ја одбија и третата понуда.

Кристал Палас овојпат понуди 22 милиони фунти покрај три милиони исплата во бонуси, но Ливерпул не сака да чуе за цифра помала од 30 милиони.

Некогашниот играч на ПСЖ играше на позајмица во Кристал Палас, кој ќе мора да се потруди ако го сака 27-годишниот дефанзивец. До крајот на преодниот рок останаа уште три дена, па на Палацеу му останува уште евентуално една шанса.

Сако во Ливерпул пристигна од ПСЖ пред неколку години за 15 милиони евра, а изминатата сезона одигра осум натпревари во ПЛ, додека еден дел од сезоната го пропушти поради повреда.