Легендата на Барса: Никогаш не би го одбил Реал Мадрид

Легендата на Барселона, Ривалдо ги разочара фановите на каталонскиот гигант и призна дека не би го одбил Реал Мадрид.

Бразилецот имаше одличен однос со легендарниот Роналдо и би сакал да игра со него во Реал Мадрид.

„Би било одлично да играв со Роналдо во Реал Мадрид. Ќе бевме страшен тандем. За Бразил покажавме што можеме, а ќе бевме уште поопасни доколку хемијата од клубот ја пренесевме во репрезентацијата. Одбраната на противникот би се плашела од нас, без оглед каде ќе игравме“, кажа Ривалдо.

Бразилецот откри дека во 2002 година можел да заврши во Мадрид.

„Тоа лето Роналдо потпиша за Реал Мадрид. Тие ме сакаа и мене. Никогаш не би одбил понуда од Реал затоа што играв за Барселона. Тие секогаш ќе бидат мој клуб, но не би го одбил Реал“, призна Ривалдо.