Лапорта: Фудбалерите на ПСЖ стануваат робови за пари

Претседателот на Барселона, Жоан Лапорта е незадоволен од трансфер политиката на Пари Сен Жермен.

Клубот веќе им ги украде на Каталонците Нејмар и Лионел Меси, а деновиве му зададе удар на Реал Мадрид во случајот со Килијан Мбапе.

„Фудбалерите кои отидоа таму со долгорочни договори се согласуваат да станат робови. За пари. Нејмар е таков – има договор за уште 4-5 години“, изјави Лапорта.

„Истото важи и за Меси. Сите сакавме тој да ја заврши спортската кариера кај нас. Но, тоа беше невозможно поради правилата на финансискиот фер-плеј и поради понудата на ПСЖ која пристигна. Зад овој клуб стои цела држава (Катар) и таму имаат многу пари“, додаде претседателот на Барселона.

„Новиот договор на Мбапе го „искривува“ пазарот. На крајот играчите се „киднапирани“ за откуп. Сето тоа е спротивно на принципите на Европската унија“, незадоволен е Лапорта.