Лага е дека Дибала е заразен од коронавирус, но точно е дека ќе стави потпис на нов договор

Пауло Дубала овие денови падна во центарот на вниманието откако се појави лажна вест дека е заразен од коронавирус.

Набрзо стигна демант од сите страни, а ѕвездата на Јувентус и самиот преку социјалните мрежи демантираше.

„Поздрав на сите. Сакам да потврдам дека сум добро и сум во доброволна изолација. Ви благодарам на сите за пораките и се надевам дека и вие сте добро“, напиша Дибала.

Меѓутоа, во Италија се сигурни дека е точна веста дека Аргентинецот набрзо ќе стави потпис на нов договор со Јувентус.

Преговорите се во напредна фаза и медиумите тврдат дека недостасуваат само одредени детали. Дибала наскоро ќе стави потис на нов договор, во кој можно е да има откупна клаузула, но не помала од 110 милиони евра.

Со новиот договор Дибала ќе стане втор најплатен фудбалер во Серија А после Кристиано Роналдо.