Куман: Сакам да уживам, не е важно дали сум тука уште осум години или неколку недели

Барселона е во финансиска криза, а тоа се одразува и на резултатите на тимот сезонава, без Меси тимот е далеку од борбата за трофеи.

Роналд Куман не најде начин да ја пополни големата празнина со играчите кои ги има на располагање, па затоа веќе одреден период се пишува за негова замена. Сега во неговата изјава на прес-конференцијата пред денешниот натпревар против Рајо Ваљекано тој можеби го најави и неговото заминување.

„Сериозен човек сум и знам како одат овие работи. Сакам да уживам во времето што ми преостанува без разлика дали тоа ќе бидат осум години, шест месеци или неколку недели. Важно е да победиме против Рајо Ваљекано затоа што не смееме да си дозволивме да испуштаме повеќе бодови во Ла Лига“, изјави холандскиот стратег.

Натпреварот против Рајо од 11. коло во Ла Лига Барселона го игра денес од 19:00 часот.