Куман може да биде среќен: Заминува и последниот играч кој го отпиша?

Тренерот на Барселона, Роналд Куман направи чистка во соблекувалната на Барселона.

Холандскиот стручњак по доаѓањето отпиша неколку имиња меѓу кои Луис Суарез, Иван Ракитиќ и Артуро Видал, кои на крајот го напуштија клубот.

Куман помеѓу останатите го отпиша и францускиот дефанзивец Самуел Умтити. Сака да се ослободи од него пред почетокот на сезоната и се чини дека во тоа ќе успее.

Умтити доби понуда од Лион. Неговиот поранешен клуб сака да го ангажира на позајмица, а Барса е подготвена да го пушти.

Преговорите веќе започнале и нема да биде никакво изненадување доколку Умтити на крајот заврши во Лион.