Куман казнил четворица играчи, морале да тренираат со Барселона „Б“

Роналд Куман го изгуби своето прво „Ел Класико“ како тренер на Барселона. Реал на „Камп Ноу“ победи со 1:3.

Куман за денес планирал тренинг од 11 часот во спортскиот комплекс на Барселона, но во последен час одлучил да го откаже и на своите играчи да им даде слободен ден.

Сепак, нема сите првотимци да бидат слободни. Казнети се четворица и тие ќе мораат да тренираат со екипата на Барселона „Б“.

Казнети на ваков начин биле Рики Пуиг, Карлос Алења, Жуниор Фирпо и Матеус Фернандеш, додека на списокот го нема Роналд Араухо кој ќе игра во Лигата на шампионите против Јувентус после суспензијата на Пике.