Крос: Не можев да го замислам ова што се случи со Рамос

Вечерва Германија игра важен натпревар против Унгарија за пласманот во следната фаза, меѓутоа покрај овој натпревар Тони Крос зборуваше и на клупски теми пред овој дуел.

Крос зборуваше за ситуацијата со Серхио Рамос кој си заминува од Реал Мадрид откако му заврши договорот со „кралевите“. Германецот откри дека го убедувал Рамос да остане и дека не можел да замисли вакво сценарио.

„Според мене Рамос мораше да ја заврши кариерата во Реал, ова што се случи не можев ниту да го замислам. Зборував со него, сакав да остане, сепак тоа е тоа. Како и да е сигурен сум дека во иднина повторно ќе го видиме во Реал Мадрид во некоја друга улога или функција“, изјави Крос.