Кристиано: Ерата Меси-Роналдо допрва почнува!

Ѕвездата на Реал Мадрид, Кристиано Роналдо синоќа, втор пат по ред, ја доби наградата за најдобар фудбалер во светот според ФИФА.

На второто место е неговиот голем ривал Лионел Меси, а Роналдо после церемонијата изјави дека ерата на овие двајца фудбалери допрва започнува и ќе бидеме сведоци на нови дуели во иднина.

„Секоја вечер си леднувам и спијам со чиста совест. Задоволен сум од постигнатото и во индивидуален и во тимски план. Јас не се натпреварувам со Меси, но се борам да бидам најдобриот и да освојувам титули. Сакам да кажам само дека ерата Меси-Роналдо во фудбалот не е завршена, туку допрва почнува“, заклучи Португалецот.