Крауч: Доколку постоеше ВАР во мое време ќе ми поништеше 50 голови поради долгите раце

Критиките на сметка на ВАР од коло во коло се повеќе ги има бидејќи судиите не престануваат со некои бизарни одлуки.

Веќе некое време тоа најмногу се однесува на офсајд ситуациите, а голови беа поништувани поради некои неверојатни одлуки на судиите што предизвика бура од реакции.

За ВАР зборуваше и поранешниот англиски напаѓач Питер Крауч кој најдобрите денови од својата кариера ги помина во Ливерпул.

Крауч моментално работи како стручен коментатор и редовно ги следи натпреварите од англиската Премиер лига. Тој даде коментар и за ВАР со кој успеа да ја насмее англиската јавност.

„Да имаше ВАР додека играв јас поради моите долги раце ќе ми беа поништени барем 50 голови поради офсајд.“ – рече Крауч.