Кој ќе биде најдобриот стрелец во 2018 година?

Кој ќе биде најдобриот стрелец во сите натпреварувања во 2018. година?

Кандидати има, а се знае кои се двајцата првопласирани. Лео Меси во моментов има 44 гола на своето конто, Роналдо има 43, додека на третото место е Роберт Левандовски со 39 гола.

Речиси без шанси се Салах и Суарез (36), односно Хари Кејн и Антоан Гризман (35). Роналдо има натпревар повеќе да одигра со Јувентус (9) од Меси со Барселона (8), додека на Левандовски му останаа уште осум натпревари до крајот на годината.

Од 2010. година само двајца играчи ја освоија оваа награда за најдобар стрелец во една календарска година, Меси (3) и Роналдо (4) со исклучок на минатата година кога Хари Кејн беше најдобар со 56 гола.