Кој шпански фудбалер веќе потпишал за Барселона?

Каталонскиот гигант Барселона во летниот преоден рок ќе добие уште неколку засилувања.

Веќе е познато дека дресот на клубот од „Камп Ноу“ ќе го носи Франк Кеси кој пристигнува од Милан како слободен играч. Барселона се поврзува со уште неколку фудбалери. Познатиот шпански новинар Хозе Педерол открива дека Барселона потпишала и со уште еден фудбалер, но не го откри неговото име.

„Барселона веќе потпиша со еден шпански фудбалер, меѓутоа не можам да ви го откријам името, се уште не е време за тоа“, истакна Педерол.

Веднаш започнаа шпекулации меѓу навивачите на Барселона за кој фудбалер се работи. Помеѓу играчите кои можат да бидат се: Карлос Солер, Хозе, Гаја, Алекс Грималдо, Фабијан Руиз…

Како и да е Барселона во секој случај ќе има неколку нови имиња во својот тим наредната сезона, а времето ќе покаже дали информацијата на Педерол е точна и ако е точна за кого се работи.