Костадинов: Тоа што не сметаат за аутсајдери може да ни помогне

На денешната прес-конференција присуствуваше македонскиот репрезентативец, Тихомир Костадионов кој најави дека Македонија ќе даде максимум на ова ЕП.

„Последните два натпревари беа добра увертира за ЕП, одигравме добро. Знаеме дека тоа беа пријателски натпревари, но последниот дуел со Казахастан е добар за нашата самодовербам. Без разлика со кого играме, тука секој меч ќе биде тежок, ова е еден голем предизвик кој го чекаме со голема возбуда“.

Се радува на присуството на навивачи.

„Ја очекуваме поддршката од навивачите, знаеме дека ќе бидат најгласни и најдобри“, порача Костадинов.

Смета дека ни одговара тоа што сме сметани за аутсајдери.

„Тоа што не сметаат за аутсајдери мислам дека ќе влијае да бидеме повеќе опуштени и да има помал притисок врз нас. Секоја селекција се гледа како фаворит против нас, а тоа може многу да ни помогне“, изјави Костадинов.