Конте си „бендиса“ фудбалер на Аталанта

Интер игра одлично оваа сезона и се покажа како вистински конкурент на Јувентус за освојување на титулата.

Поради тоа Антонио Конте сака значително да го засили тимот во зимскиот преоден рок, а „критични“ се неколку позиции.

Покрај нов напаѓач, Конте сака во својот тим да го донесе и играчот на Аталанта, Робин Гозенс.

Играчот кој е роден во Германија игра фантастично оваа сезона на позицијата „фул бек“ и е идеален за формацијата 3-5-2 која ја практикуваат „нероаѕурите“.

Од почетокот на сезоната Гозенс има постигнато 4 гола и 2 асистенции на 11 меча во Серија А. Конте на таа позиција ги има Асамоа и Бираги, но во Гозенс гледа долгорочно решение.

25-годишниот Гозенс има холандско и германско државјанство, но до сега немал повик од ниту една репрезентација.