Конте на лето го напушта Интер

Антонио Конте на лето може да го напушти Интер доколку сопствениците на клубот не му гарантираат засилувања за следната сезона.

Конте и минатото лето имаше несогласувања со раководството, но остана во Интер и е на добар пат да го освои Скудетото.

Сепак, „Тутоспорт“ тврди дека Конте е уморен од ситуацијата која се случува во клубот и финансиската криза, па на лето е спремен да ја промени средината.

Сопствениците на клубот, компанијата „Сунинг“ не може да му даде гаранции за наредната сезона и тоа е голем проблем за Конте.

„Тутоспорт“ тврди дека Манчестер Јунајтед и Тотенхем будно ја следат ситуацијата, а и самиот Конте е спремен да се врати на Островот.