Компани го фали Чурлинов: Полн е со енергија, има голем потенцијал!

Македонскиот репрезентативец Дарко Чурлинов неодамна потпиша за Барнли каде што ќе игра во новата сезона.

Во Барнли Чурлинов пристигна на големо инсистирање на тренерот на англискиот тим Венсан Компани кој во минатото беше капитен на Манчестер Сити. За Чурлинов Барнли на Штутгарт му плати 3.5 милиони евра и плус 1.5 милион ќе бидат исплатени преку бонуси.

Сега за Чурлинов пристигнаа пофалби од Компани.

„Дарко е полн со енергија, веднаш можете тоа да го забележите. Не е лесно така брзо да се вклопи нов фудбалер, а посебно затоа што имаме повеќе нови. Чурлинов е фудбалерот кој го посакував и во него има голем потенцијал за напредок“, изјави Компани.

Во досегашната кариера Чурлинов играше сам ово Германија, а сега пред него е нов предизвик.