Клоп тргнува по ѕвездата на Јувентус

Англиските медиуми пренесуваат дека Ливерпул е силно заинтересиран за играчот за врска на Јувентус, Арон Рамзи.

Арон Рамзи не ги воодушевува навивачите на Јувентус со своите настапи, но Пирло сепак му дава шанса.

Велшанецот ја игра својата втора сезона во Италија и се уште не може да се каже дека се адаптирал на условите на италијанскиот фудбал. 

30-годишниот Велшанец може да ја промени средината на лето, бидејќи Јувентус е спремен да го продаде и да заработи на неговиот трансфер.

Ливерпул сака да ја искористи таквата ситуација бидејќи е во потрага по играч за врска кој ќе го замени Вајналдум.

Рамзи исто така е спремен да се врати во Премиер лигата, па медиумите се оптимисти за трансферот.