Кирјос го прегази Медведев: АТП листата ќе има нов лидер!

Австралиецот Ник Кирјос забележа голема победа против актуелниот шампион на УС Опен, Данил Медведев со 3:1 во сетови (7:6, 3:6, 6:3 и 6:2).

Кирјос со овој триумф уште еднаш покажа дека игра во фантастична форма, па иако Русинот беше фаворит тој се радуваше на победата. Со овој пораз на Медведев јасно е и дека ќе добиеме нов шампион на последниот гренслем турнир во годината.

Медведев исто така дефинитивно ќе го загуби првото место на АТП листата, а во зависност од настапот на турнирот таму ќе се најде некој од Рафаел Надал, Карлос Алкараз и Каспер Руд.