Киелини уште две години во Јувентус

Легендарниот дефанзивец на Јувентус, Џорџо Киелини во моментов е слободен агент, но сигурно ќе ја продолжи кариерата во Јувентус.

Иако се очекуваше 37-годишниот дефанзивец да потпише договор на една година, сепак „бјанконерите“ одлучиле да му понудат двегодишен договор.

Новиот тренер Масимилиано Алегри го сака Киелини во својот тим, па дефанзивецот ќе се приклучи на подготовките на 2-ри август, бидејќи е на одмор после ЕП.

Во следните денови ќе бидат договорени сите детали и Киелини ќе стави потпис на двегодишен договор.