Кеси: Не можев да и кажам „не“ на Барселона

Барселона денес и официјално го претстави новото засилување, Франк Кеси, кој доаѓа од Милан како слободен агент.

Кеси изјави дека имал многу понуди, но не можел да ја одбие Барселона и истакна дека е спремен да се бори за стартно место во тимот на Чави.

„Доаѓам во голем клуб и имам желба да се докажам и да дадам придонес. Ибрахимовиќ ми кажа дека Барса е голем клуб и дека треба многу да работам за да си го обезбедам местото во тимот. Играв еднаш против Барселона и не можев да му кажам не на овој клуб“, изјави Кеси.

„Ќе му бидам на располагање на тренерот, може да играм на повеќе позиции. Знам дека немам загарантирано место во првиот тим, но спремен сум да работам напорно. Кога тренер како Чави ми се јави и сакаше да дојдам тука, не можев да го одбијам“, додаде Кеси.

🗣 Kessie: ❝I'm at the coach's disposal. I will try to work on any playing position the coach wants. I'll collaborate with him on his idea for our style❞ pic.twitter.com/wGNfo4ORKE

— FC Barcelona (@FCBarcelona) July 6, 2022