Каталонија на нозе, ставен најскапиот автограм – Меси во Барса до 2021

Еден од најдобрите фудбалери на светот, Лионел Меси денес стави крај на сите шпекулации за својата иднина и го продолжи договорот со Барселона.

Преговорите помеѓу Барселона и Меси траеа неколку месеци, но на крајот двете страни успеаа да најдат заеднички јазик и денес Аргентинецот стави потпис на нов договор.

Меси се обврза на верност кон каталонскиот гигант до 2021 година, со можност истиот да биде продолжен на уште една година.

Откупната клаузула во договорот ќе изнесува 300 милиони евра, а медиумите тврдар дека Меси ќе биде најскапиот фудбалер на светот со годишна заработика од 35 милиони евра по сезона.

„Клубот е среќен што Меси го продолжи договорот бидејќи тој е најдобриот фудбалер во историјата. Целата кариера ја помина во Барселона со огромен успех и го постигна она што никој не можеше пред него“, стои во соопштението на Барселона.