Камбијасо: Поради Џеко никој не се сеќава на Лукаку

Ромелу Лукаку минатото лето го напушти Интер и премина во Челзи во трансфер вреден 115 милиони евра.

Интер се реши да го продаде Лукаку поради тешката финансиска ситуација, а како негова замена пристигна Џеко кој игра одлично. На 11 натпревари за Интер Џеко постигна седум голови што е и повеќе од добар учинок.

Поранешниот фудбалер на Интер, Естебан Камбијасо кој ја освои легендарната триплета во генерацијата на Пандев во 2010 година исто така е воодушевен од босанскиот напаѓач.

„Џеко повторно постигна гол (против Шериф). Поради неговите добри настапи никој повеќе не се сеќавана Лукаку. Не само поради головите, туку и поради играта. Сепак, да почекаме да видиме како ќе биде до крајот на сезоната“, изјави Камбијасо.

Покрај головите Џеко на своето конто има и три асистенции.