Судиската комора на Италијанската федерација го казни судијата Розарио Абисо со суспензија од три меча после грешките кои ги направи на мечот Фиорентина – Интер.
Абисо го навлече гневот на „нероаѕурите“ откако досуди пенал за Фиорентина во последната минута од судиското продолжение.
Пред дербито, падна најважниот потпис во Манчестер Сити! ↓↓↓
Иако го користеше ВАР при донесување на одлуката, сепак таа во најмала рака беше контроверзна, бидејќи изгледа дека Дамброзио играше со гради, а не со рака.
Таа негова одлука крена голема прашина на Апенините и „нероаѕурите“ гласно се жалеа дека се оштетени, иако подоцна беше утврдено дека и Фиорентина била оштетена со одлуките на Абисо.
Имено, се покажа дека голот на Интер бил нерегуларен бидејќи Весино беше во офсајд, а судијата не побара консултација со ВАР и го призна голот.
Абисо ќе биде суспендиран во наредните три натпревари, односно нема да суди до 24 март. Притоа, нема да суди на натпревари од Интер до крајот на сезоната.
Учество во игри на среќа е дозволено за лица со 18+ години. Играј одговорно!