Каземиро решава за понудата од Јунајтед после разговор со Анчелоти

Иднината на Каземиро во Реал Мадрид е главна тема во медиумите откако Манчестер Јунајтед испрати богата понуда за Бразилецот.

Kлубот од „Олд Трафорд“ е подготвен да му понуди двојно зголемување на платата со што Каземиро би заработувал 18 милиони евра годишно доколку се пресели во Јунајтед.

Фудбалерот немаше намера да го напушти Реал, но огромната плата како и договорот до 2027 година би можеле да го примамат да ја промени одлуката.

Како што тврдат шпанските медиуми, се ќе зависи од неговата желба. Тренерот Карло Анчелоти може да има клучна улога. Тој ќе разговара со Каземиро и ќе се обиде да го убеди да остане во тимот.