Фудбалската репрезентација на Франција забележа победа во пријателскиот натпревар против Англија иако „триколорите“ средбата ја завршија со играч помалку.
На „Стад де Франс“ во Париз, а во чест на жртвите во последните терористички напади во Лондон и Манчестер, фудбалерите на Франција синоќа ја совладаа Англија со 3-2.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Англичаните први поведоа во 9.минута со голот на Хари Кин. Во продолжение на првиот дел „триколорите“ успеаја да направат целосен пресврт. Умтити (22.минута) го израмни резултатот, Сидибе (44) и донесе предност на Франција од 2-1. На стартот на вториот дел Рафаел Варан несмасно стартуваше, па главниот судија му покажа црвен картон и досуди најстрога казан на Англија, која ја реализираше Кин за израмнување на 2-2. Иако со фудбалер помалку сепак Французите на крајот се радуваа откако Дембеле во 78.минута ги постави конечните 3-2.
Од останатите меѓудржавни пријателски натпревари ги издвојуваме, победата на Бразил на гостувањето кај Австралија со 4-0, нерешениот резултат на скандинавските ривали Норвешка – Шведска чиј дуел заврши 1-1, победата на Романија пред своите симпатизери над Чиле со 3-2, како и убедливиот триумф на Колумбија од 4-0 на гости кај Камерун.
Учество во игри на среќа е дозволено за лица со 18+ години. Играј одговорно!