И ова не беше гол: Влаховиќ промаши зицер од два метри против Милан (ВИДЕО)

Фудбалерите на Јувентус на гости го совладаа Милан со голот на Мануел Локатели за 1:0 во 63. минута.

По паузата поради повреда на теренот во дресот на „Старата дама“ се врати Душан Влаховиќ. Репрезентативецот на Србија го замени Кин во 56. минута.

Влаховиќ во два наврати можеше да се запише во листата на стрелците. Сепак, неговите удари ги одбрани одличниот голман на домашните Антонио Миранте. Влаховиќ најпрво имаше одличен обид со удар од 16 метри, но Јувентус извлече само корнер.

Во втората минута од судиското надополнување, Србинот не успеа да ја затресе мрежата на Милан ниту од два-три метри, кога реагираше на одбиената топка, но успеа само да го погоди искусниот голман.

Големото промашување на Влаховиќ можете да го погледнете во 07:50 минути од видеото во продолжение.