И играч повеќе не е доволен кога Роналдо е на теренот – Јувентус се спаси од пораз (ВИДЕО)

Во натпреварите од 18-тото коло во терминот од 15:00 часот најголемото изненадување го приреди екипата на Аталанта која успеа да одигра 2:2 против шампионот Јувентус.

Алегри за овој натпревар одлучи да одмара некои од своите најважни фудбалери како што се Кристиано Роналдо и Миралем Пјаниќ.

Натпреварот за Јувентус воопшто не започна лошо. Џимитси од Аталанта уште во втората минута ја погоди сопствената мрежа. Сепак, Аталнта преку Запата во 24-тата минута успеа да стигне до изедначување.

Во вториот дел започнаа проблемите за Јувентус. Бентакур после само осум минути игра во второто полувреме заработи втор жолт картон, а само три минути подоцна Запата постигна втор гол за целосен пресврт на домаќинот.

Алегри во 65-тата минута во игра го внесе Кристиано Роналдо на местото на Кедира.

Португалецот на десетина минути пред крајот успеа да ја погоди мрежата и да ги постави конечните 2:2. Ова беше 12-ти погодок на Роналдо во Серија А оваа сезона.

Останати резултати:

Болоња – Лацио 0:2

Каљари – Џенова 1:0

Фиорентина – Парма 0:1

Сампдорија – Киево 2:0