Италијанските медиуми: Џеко ја напушта Рома, познат новиот клуб!

Италијанските медиуми пишуваат дека Един Џеко на лето ќе ја напушти Рома, а наводно веќе е познат и новиот клуб на Босанецот.

Имено, Милан веќе стапил во контакт со менаџерите на Един Џеко и наводно „росонерите“ веќе добиле ДА од напаѓачот, па сега преостанува уште да се договорат со Рома.

Џеко веќе подолго време се поврзува со Милан, клубот за кој навивал во детството, а наводно сега е многу блиску до трансфер на „Сан Сиро“.

Босанецот оваа сезона постигна 27 гола и е прв стрелец во Серија А, а во Лига Европа постигна 8 погодоци на исто толку натпревари.

Милан е во потрага по врвен напаѓач кој ќе го замени Бака, па ако им се верува на медиумите тоа ќе биде токму Един Џеко.