Инѕаги добил ултиматум од Интер, ако не го исполни пристигнува клупска легенда

Tренерот на Интер Симоне Инѕаги е во тешка ситуација откако доби ултиматум од клубот кој мора да го исполни ако сака да остане.

Интер загуби три од последните пет натпревари и тоа секако не им се допадна на челниците. Како замена за Инѕаги медиумите го најавуваат Дејан Станковиќ. Српскиот стратег и легенда на Интер ќе седне на клупата ако Инѕаги не победи на следните три натпревари.

Првиот натпревар е утре дома против Торино, потоа следи натпревар во Лигата на шампионите на гости кај Викторија Плзен, па гостински натпревар во Серија А против Удинезе.

Неодамна Станковиќ си замина од клупата од Црвена Звезда и е без ангажман. Станковиќ е вистинска играчка легенда на Интер и дресот на овој клуб го носеше на 231 натпревар и постигна 29 голови.