Интер ја сака ѕвездата на Наполи без пари

Иднината на Лоренцо Инсиње и понатаму е нејасна, откако одби да го продолжи договорот со Наполи.

Договорот на Инсиње со Наполи истекува во јуни 2022 година, а според „Газета дело Спорт“ двете страни се далеку од постигнување договор за продолжување на соработката.

Како што се наведува малку е веројатно дека Инсиње ќе го продолжи договорот затоа што сака да му се зголеми платата од моменталните пет милиони евра колку што ги заработува.

Интер внимателно ја следи ситуацијата па е спремен во јануари да започне преговори за да го донесе Италијанецот без обештетување.

Инсиње бара плата од 6 милиони евра по сезона, а Интер е спремен да му ги задоволи барањата доколку дојде без обештетување.