Имобиле: Ќе биде тешко на ваков терен со дупки

Новиот капитен на Италија, Чиро Имобиле денес присуствуваше на пресконференцијата пред мечот со Македонија.

Имобиле покажа респект кон нашата репрезентација, но упати сериозни критики за теренот на Националната Арена „Тодор Проески“.

„На ваков терен ќе биде уште потешко, има недостатоци и дупки. Македонија и онака може да биде тежок противник, свесни сме за тоа“, изјави Имобиле.

„Со Македонија се соочивме во еден деликатен момент, пред две години. Тогаш горевме од желба да победиме, притисокот беше голем. Можеби и тоа имаше улога за крајниот резултат. Македонија е селекција составена од играчи кои играат во силни тимови. Би го издвоил Елмас како еден од најдобрите македонски фудбалери“, додаде Имобиле.